Originally: For my friend Jacques Roche

For my friend Jacques Roche


Ou te yon gwo gason,


Ou te genyen yon vizyon pou Ayiti


Ou te toujou we peyi avan tet ou,


Ou te di non a toute move pwopozysyon


 


Ou pat jan pe menas, Plim ou te toujou pwop


Ou te ekri kle tankou dlo kok


Ou te trase lign dwat pou pi jenn yo


Ou te kominike kle ak petit noel priye chef de band nan lang franse:


“Tu peux me crever les yeux
Et les tympans
Me couper les bras
Et les jambres
Me laisser nu en pleine rue
Mais tu ne peux tuer mon rêve
Tu ne peux tuer l’espoir”



Ou te kwe nan chanjman pou pep la, lespwa a pap mouri


Ou te toujou sakrifye tet ou pou koz pep la, rev la pap mouri


Ou te yon gason modere avek konviksyon, lespwa a pap mouri


Ou te gade lot la nan je e dil kijan li te trayi koze pep la, rev la pap mouri



Yo fwape ou le w tap pare avni pep la


Yo pran ko a men ou pa mouri


Akoz de w lit la ap rapouswiv pired


Se pat fave, se demokrasi ke ou te vle


 


Nou dwe pwoteje sa ou kite deye


Pousa nou dwe kreye yon fondasyon nan non w


Fok nou ranmase karakte nou pou jistis simen


Paske se jistis ou tap chache pou pep la


 


Ke nou ap kriye pou ou zanmi mwen


Nap lapriye pou ou, pou yo byen resevwa w nan syel la


Pandan ke ou sou kote zanj yo, se avek anpil kontantman


Ou pral gade jan kod jistis la pral antre nan tet rasine vyolans la


 


Mesi pou jan ou te rete yon gason pwop e vanyan


Mesi pou sa ou te ekri pou enspire nou tout


Mesi pou sakrifis sa a


Mesi anpil Jak, wap rete nan ke mwen



Stanley Lucas


Washington D.C. 20 Jiye 2005